د افغانستان د اسلامي جمهوریت جمهور رئیس محمد اشرف غني نن له غرمې وروسته قطر ته د خپل رسمی سفر په دویمه ورځ له یو شمېر پېژندل شویو قطري تاجرانو او پانګوالو سره وکتل.
جمهور رئیس غني قطري تاجران او پانګوال په افغانستان کې پانګونې ته وهڅول
خبرگزاری صدای افغان(آوا) سرویس بین الملل , 4 جوزا 1395 ساعت 9:23
د افغانستان د اسلامي جمهوریت جمهور رئیس محمد اشرف غني نن له غرمې وروسته قطر ته د خپل رسمی سفر په دویمه ورځ له یو شمېر پېژندل شویو قطري تاجرانو او پانګوالو سره وکتل.
د افغانستان د اسلامي جمهوریت جمهور رئیس محمد اشرف غني نن له غرمې وروسته قطر ته د خپل رسمی سفر په دویمه ورځ له یو شمېر پېژندل شویو قطري تاجرانو او پانګوالو سره وکتل.
جمهور رئیس غني په دې کتنه کې د تولیداتو د زیاتوالي په ځانګړي ډول د برېښنا انرژي، طبیعي منابعو لکه غاز، تېلو، اوسپنې او مس د تولیداتو د زیاتوالي، د بشري قوا د ظرفیت د لوړولو او د سیمې د اتصال په نقطه د افغانستان د بدلولو لپاره د حکومت د طرحې او د افغانستان د راتلونکو پلانونو په هکله خبرې وکړې.
قطري تاجرانو او پانګوالو په افغانستان کې په ځانګړي ډول د انرژي، کرنې او بانکدارۍ په برخو کې خپله لېوالتیا وښوده.
جمهور رئیس غني وویل، موږ په افغانستان کې د پانګې او پانګوالو د مصونیت لپاره اقدامات ترلاس لاندې لرو او په دې اقداماتو کې بنسټیز اصلاحات، د پانګونې په برخه کې اسانتیا او د مناسبې، ګټورې او اسانه پانګونې په خاطر د قوانینو ساده کول په کې شامل دي.
پېژندل شوي قطري تاجرانو او پانګوالو وویل، په افغانستان کې د پانګونې لپاره شرایطو، نفوس او ټولو موجوده ځانګړنو ته په پام په دې هېواد کې د پرمختګ ښې زمینې وجود لري او د پانګونې لپاره شرایط هم برابر دي.
هغوی د دې په ترڅ کې پر دې ټینګار وکړ چې افغانستان د غالیو صنعت د ودې لپاره ښه ظرفیتونه لري، ژمنه وکړه، چې د افغانستان بېلابېلو ولایتونو ته به سفرونه وکړي او هلته به د پانګونې امکانات وارزوي.
محمد اشرف غني زیاته کړه، د پانګونې د جلب په خاطر چې هر اقدام ته اړتیا وي ترسره به یې کړي. هغه وویل، موږ د غالی د تولیداتو په برخه کې د افغانستان د قوي ظرفیت ارزښت درک کوو او د ترکیې هوایي کرښو موافقه کړې چې د غالیو د صادراتو په برخه کې افغانستان سره همکاري کوي.
په دې کتنه کې د دواړو هېوادونو ترمنځ د سوداګریزو او اقتصادي مراوداتو زیاتوالي ته په پام د دوحې – کابل د مستقیمو الوتنو پیل او د هغه برعکس هم بحث وکړ او مهمې یې وګڼلې.
د مطلب کود: 126689