لغمان والي نعیمي د عامې روغتیا ریاست کار کوونکو ته لارښوونه وکړه چې خپل ټول امکانات په کار واچوي او په دقیقه توګه د دغې پروسې مدیریت وکړي.
نعیمي زیاته کړه چې دا پروسه ورته ډېر اهمیت او ارزښت لري او له مدیریت څخه به یې خپله نظارت وکړي.
لغمان والي په دیني عالمانو، قومي مخورو، ولایتي شورا او قومي شوراګانو غږ وکړ چې د خپلې دیني او اسلامي وجیبې له مخې په دغه کمپاین کې په رضاکاره توګه فعاله ونډه واخلي تر څو د لغمان په یو کونج کې هم هغه واجد شرایط کوچنیان د واکسین له تطبیق څخه پاتې نشي.