ناش په نیوجرسي کې له خپلې مېرمنې سره په یوه ټکسي کې ناست و چې د ډرېور له لاسه د موټر اختیار ووت او د سړک د څنګ له دېوال سره ولګېد.
پولیس وايي، شپږاتیا کلن ناش او مېرمن یې الیسیا چې دوه اتیا کلنه وه؛ د ټکر په نتیجه کې له موټر رالوېدلي او مړه پر سړک پراته وو.
جان ناش چې د ریاضي علومو یو اکاډیمیک و؛ په ۱۹۹۴ کال کې د ګېمونو یا لوبو د تیورۍ او د تصمیم نیولو د ریاضي په اړه د کار لپاره د اقتصاد په برخه کې د نوبل جایزه ګټلې وه.