نن له غرمې مخکې کابو ۱۱:۰۰ بجې د بلخ مرکز په شریف ښار کې د یوط چاودنې په ترڅ کې لږ تر لږه یو تن وژل شوی او دوه نور ټپيان دي.

یوه امنیتي سرچینه په مزار شریف ښار کې وایي چاودنه د مغناطیسي ماین د چاودنې له امله رامنځته شوې ده.

د سرچینې په وینا، په دغه چاودنه کې لږ تر لږه یو تن وژل شوی او دوه نور ټپيان دي.

د پیښې مسئولیت تر اوسه کوم چا یا ډلې په غاړه نه دی اخیستی.

بلخ د افغانستان په شمال کې په تیرو څو کلونو کې له نسبتا امنو ولایتونو څخه شمیرل کیده، خو په وروستیو کې یې امنیتي وضعیت نسبتا خراب شوی دی.

په همدې حال کې د بلخ پولیس چارواکي وایي پیښه هغه مهال رامنځته شوه کله چې په یوه هایلکس ډوله موټر کې ځای پر ځای شوی مغناطیسي ماین وچاودید او په ترڅ کې یو تن ووژل شو او دوه نور کسان ټپیان شوي.

د چارواکو په وینا، پیښه د مزار ښار اړوند د نور څلور لارې ته څېرمه رامنځته شوې ده خو د پیښې د قربانیانو د هویت په اړه څه نه دي ویل شوي.