د پاکستان پوځ لوی درستیځ جنرال قمر جاوید باجوه د امریکایي ځواکونو له خوا د نوې هوایي برید په اړه غبرګون وښود او ټینګار کوي چې ورته اقدامات زیان اړونکې او د دوه اړخیزو استخباراتي همکاریو خلاف کار دی.
هغه زیاته کړه، چې پاکستان پوځ دا توان لري تر څو د دوه اړخېزو همکاریو په چوکات اقدمات وکړي که چېرې دوی سره استخباراتي معلومات شریک شي.
د راپورونو له مخې، د دو شنبې په شپه ناوخته د پاکستان په قبایلي سیمو کې د امریکایي ځواکونو په هوایي برید کې د حقاني ترهګرې شبکې یو قوماندان وژل شوی دی.
د سرچینه په وینا، په دغه برید کې د حقاني ترهګرې شبکې قوماندان چې ابوبکر نومېده وژل شوی دی.
افغان چارواکي وایي، حقاني شبکې د طالبانو پورې تړلې ده، چې د پاکستان شمالي وزیرستان په قبایلي سیمه کې فعالیت کوي او په افغانستان کې پر افغان ځواکونو او حکومت بریدونه کوي.
چارواکي زیاتوي، چې حقاني شبکه د پاکستان په مهم ښارونو کې خوندې ځایونه لري او د ای ایس ای د مټ په توګه کار کوي، خو پاکستاني چارواکي تل دغه تورونه ردوي.
د افغانستان د ملي امنیت ادارې څو ورځې مخکې اعلان کړی، چې د دغه بنسټ څېړنې ښيي په پلازمینې کابل کې د تېرې ورځې برید د حقاني شبکې لخوا او د پاکستان د استخباراتي اداري په لارښونې شوی.
سرچینه: خامه پرس