وزارت معارف امارت اسلامی می‌گوید که شخصیت‌های علمی افغانستانی مقیم اروپا، در دیدار با سرپرست این وزارت پیشنهادات‌شان را برای بهبود وضعيت تعلیم و تربیه در افغانستان با رهبری وزارت معارف شریک ساخته‌اند.

خبرگزاری صدای افغان (آوا) - کابل: دفتر مطبوعاتی وزارت معارف با نشر خبرنامه ای می‌گوید، که شماری از شخصیت‌های علمی و فرهنگی افغانستانی مقیم اروپا با مولوی حبیب‌الله آغا، سرپرست این وزارت دیدار کرده‌اند.

مولوی حبیب‌الله آغا، در این دیدار پیرامون دست‌آوردها و فعالیت‌های این وزارت در عرصه معارف صحبت کرده است.

از سویی هم شخصیت‌های علمی و فرهنگی افغانستانی مقیم اروپا، از پيشرفت‌های انجام‌شده توسط اين وزارت و فراهم كردن امكانات تعلیمی و تربیتی به شهروندان در زمينه علوم دينی و عصری ابراز خرسندی کرده است.

آنان در خصوص بهبود وضعيت تعلیم و تربیه، نظریه‌ها و پيشنهادات شان را با رهبری وزارت معارف شریک ساختند.